linakis sistémisida eng köp ishlitilidighan 5 buyruq

linakis sistémisining körünme yüzi barghanséri ishlitishke qulayliq bolup, keng ishlitiliwatqan bolsimu, emili xizmette yenila buyruq arqiliq meshghulat ilip bérish asasliq orunda bolidu. siz qiliwatqan xizmetning emili éhtiyajigha asasen sizning eng köp ishlitidighan buyruqliringiz bu témida tonushturulghan 5 buyruqtin bashqiliri bölishi mumkin, töwende http://www.techrepublic.com da tonushturulghan 5 buyruqni tonushturup ötimen.

1. man buyruqi.
bu buyruq linakis sistémisidiki barliq buyruqlarning ishlitilish usuli, buyruq bilen ishlitilidighan her xil tallanma Qatarliq shu buyruqqa munasiwetlik barliq uchurlarni ‍ishletküchige körsitip béridu. özümning tejribisige asaslan’ghandimu bu intayin muhim bolghan buyruqning biri bolup, siz meshghulat qilghan waqitta her zaman Intérnétning bolup kétishi natayin, bezide bixeterlik telipi yuqiri bolghan mulazimétir öyige kirip meshghulat qilghanda, munasiwetlik buyruqning ishlitish usulini tordin tépishqa imkaniyet bolmay qalidu, bu waqitta jan’gha esqatidighan yardemchi buyruqning biri man buyruqi hésablinidu.

mesilen töwendikisi ping buyruqning ishlitish usulini körsitip béridu.
man ping

2. ls buyruqi
windowsta köp ishlitilidighan dir buyruqi bilen oxshap kétidighan buyruq bolup, bizge höjjet qisquch ichidiki her qaysi höjjetlerning tizimini körsitip béridu.

3.mv buyruqi
mv buyruqi bolsa höjjet qisquch we höjjetlerni yötkeshke ishlitidighan buyruq bolup, öz nöwitide höjjet qisquch we höjjetlerning ismini özgertish üchünmu ishlitilidu.

4.rm buyruqi
bu ishlitishchanliqi intayin yuqiri bolghan buyruq bolup, höjjet qisquch we höjjetlerni öchürüshke ‍ishlitilidu. eger buning rf- tallanmisini qoshsaq herqandaq nersini sizdin yene bir qétim jezmleshtürmeyla ‍öchürüp tashlaydu, bu arqiliq öchürülgen nersilerni eslige keltürgili bolmaydu. shunglashqa köpinche orunlarda yuqiriqi tallanmisini qoshup ishlitish cheklen’gen bolidu yaki ishlitishke toghra kelsimu choqum éhtiyat bilen ‍ish körüshke toghra kélidu. eger -i tallanmisini qoshup ishletsingiz her qandaq nersini öchürüshtin burun sizning jezmlishingizni kütüp turidu, bir qeder bixeter. emme öchürmekchi bolghan höjjet sani köp bolghanda bekla ‍awarichilik bolidu. özingizning éhtiyajgha asasen hem bixeter hem waqit téjeydighan tallanmilirini ishletsingiz bolidu.

5.grep buyruqi
höjjettin izdimekchi bolghan sözingizning bar yoqluqini bilmekchi bolsingiz bu buyruq intayin qulay bolup, sizni höjjettin qurmu qur izdeshtin xaliy qilip köp waqtimizni téjep béridu. melum bir munderijidiki nechche minglighan höjjetler ichidin izdimekchi bolghan sözni öz ichige alghan höjjetni tapmaqchi bolsingizmu bu buyruq bilen tamamlighili bolidu. bu men eng köp ishlitidighan buyruqning biri.