ئەگەر مۇلازىمېتىردا secure shell ھېساباتىڭىز بولسا ، بۇ ئۇسۇلىنى ئىشلىتىپ مۇلازىمېتىرغا ئۇلىسىڭىز بولىدۇ. كۆپىنچە تور مۇلازىمىتى ئەزالىرىغا SSH ھېساباتى تەمىنلەيدىغان بولۇپ بۇ ئارقىلىق ئۇلار بىخەتەر ھالدا ھۆججەت يۈكلەش ئېلىپ بارالايدۇ. SSH مۇلازىمېتىرى ھەر دائىم سىزدىن تىزىملىتىپ كىرىشنى تەلەپ قىلىدۇ. ئەگەر secure shell ئاچقۇچى ئىشلىتىپ كىرمەكچى بولسىڭىز ئىم بۆلىكىنى قۇرۇق قويۇپ قويسىڭىز بولىدۇ.

SSH نى ئىشلەتكەندە سىز يوللىغان(ئىمنىمۇ ئۆز ئىچىگە ئالىدۇ) بارلىق ئۇچۇرلار شىفىرلىنىدۇ بۇنىڭ بىلەن توردىكى باشقا ئىشلەتكۈچىلەر بۇنى كۆرەلمەيدۇ.

P بولسا ئىنتېرنېتتا ھۆججەت ئالماشتۇرۇشتا ئىنتايىن كۆپ ئىشلىتىلىدۇ. سانلىق مەلۇماتلار شىفىرلانمايدىغانلىقى ئۈچۈن ، ھازىر كۆپىنچە مۇلازىمېتىرلار SSH ئارقىلىق زىيارەت قىلىش بىلەن تەمىنلەيدۇ. بىراق بىر قىسىم مۇلازىمېتىرلار تېخىچە FTP ئىشلىتىشكە يول قويىدۇ ياكى FTP نى ئىشلىتىپ ھۆججەتلەرنى چۈشۈرۈش ياكى يۈكلەشنى تەلەپ قىلىدۇ. ئادەتتە FTP غا تىزىملىتىپ كىرگەندە كۆپىنچە ھاللاردا ھۆججەتلەرنى ئۆچۈرۈش ۋە يۈكلەشكە يول قويۇلغان بولىدۇ.

چۈشۈرۈشكە يول قويغان بېكەتلەر بەزى ھاللاردا ئاممىۋى ياكى نامسىز ھالدا FTP نى زىيارەت قىلىشقا يول قويغان بولىدۇ. بۇنداق مۇلازىمېتىرلار ئىشلەتكۈچىدىن ئات ۋە ئىم تەلەپ قىلمايدۇ ھەمدە كۆپىنچە ھالدا سىزنىڭ ھۆججەتلەرنى ئۆچۈرۈشىڭىزگە يول قويمايدۇ.

بىر قىسىم ئىمزاسىز FTP مۇلازىمېتىرلىرى ئاممىۋى ئىشلەتكۈچى ئاتى ۋە ئىم ئارقىلىق كىرىشنى، ياكى ئاممىۋى ئىشلەتكۈچى ئاتى بىلەن ئىم سۈپىتىدە ئېلخەت ئادرېسىنى كىرگۈزۈشنى تەلەپ قىلىدۇ. بۇ مۇلازىمېتىرلاردا FTP (تىزىمغا كىرىش زۆرۈر) ئۇسۇلىنى ئىشلىتىپ، مۇلازىمېتىر بەلگىلىگەن ئىشلەتكۈچى ئاتى ۋە ئىم ئارقىلىق كىرىش زۆرۈردۇر.

Windows كومپيۇتېرلىرىدا ئىگىسى بار كېلىشىم ئىشلىتىپ، ھۆججەتلەرنى يەرلىك توردا ھەمبەھىرلەيدۇ. تەرتىپكە سېلىش ۋە باشقۇرۇشقا قۇلاي بولۇشى ئۈچۈن، Windows تورىدىكى كومپيۇتېرلار بەزىدە دائىرە(domain) بويىچە گۇرۇپپىلارغا بۆلۈنگەن. ئەگەر يىراقتىكى كومپيۇتېرىدا مۇۋاپىق ئىمتىيازىڭىز بار بولسا، ھۆججەت باشقۇرغۇ ئارقىلىق Windows ھەمبەھىرىگە باغلىنالايسىز.

بۇ HTTP كېلىشىمى ئۈستىگە قۇرۇلغان بولۇپ، WebDAV نى ئىشلىتىپ ھۆججەتلەرنى يەرلىك توردا ھەمبەھىرلىگىلى ۋە ئىنتېرنېتتا ساقلىغىلى بولىدۇ. ئەگەر باغلانماقچى بولغان مۇلازىمېتىر بىخەتەر باغلىنىشنى قوللىسا، چوقۇم شۇنى ئىشلىتىڭ. بىخەتەر WebDAV دە بىخەتەرلىكى ئىنتايىن كۈچلۈك بولغان SSL شىفىرلاش ئىشلىتىلگەن بولۇپ، باشقىلار ئىمىڭىزنى كۆرۈۋالالمايدۇ.