ئوخشىمىغان تىللارنىڭ ھەر خىل ئورۇنلاشتۇرۇشلىرى قوشۇلۇپ نەچچە يۈزلىگەن كۇنۇپكا ئورۇنلاشتۇرۇشلىرى بار. بىرلا ھەرپتاختىسى ئارقىلىق گەرچە ئۈستىگە ھەر خىل ھەرپ بەلگىلەر بېسىلمىغان بولسىمۇ، ھەر خىل ھەرپتاختا ئورۇنلاشتۇرۇشلىرىنى ئىشلىتىپ ھەر خىل تىلدىكى ئوخشىمىغان ھەرپ بەلگىلەرنى كىرگۈزۈشكە بولىدۇ.

ئەگەر بىر قانچە كۇنۇپكا ئورۇنلاشتۇرۇشىنى قوشقان بولسىڭىز، ئۇلارنى تىزىملىك بالدىقىدىكى سىنبەلگىنى ئىشلىتىپ ئالماشتۇرالايسىز. تىزىملىكتە نۆۋەتتىكى كۇنۇپكا ئورۇنلاشتۇرۇلۇشىنى ئىپادىلەيدىغان قىسقا ئىسىم كۆرۈنىدۇ. مەسىلەن ئىنگلىزچە بولغاندا en دېگەن تېكىست كۆرۈنىدۇ. بۇ يەردىن ئۆزىڭىز ئىشلەتمەكچى بولغان ئورۇنلاشتۇرۇشقا ئالماشتۇرسىڭىز بولىدۇ.ن

ئەگەر بىر قانچە كۇنۇپكا ئورۇنلاشتۇرۇشىنى ئىشلەتكەن بولسىڭىز، ھەممە كۆزنەكتە بىر خىللا كۇنۇپكا ئورۇنلاشتۇرۇلۇشىنى ئىشلىتىش ياكى ھەر بىر كۆزنەكتە ئوخشىمىغان كۇنۇپكا ئورۇنلاشتۇرۇلۇشىنى ئىشلىتىشنى بەلگىلىيەلەيسىز. ئوخشىمىغان كۆزنەكتە ئوخشىمىغان تىلنى ئىشلەتسە قۇلايلىق بولىدۇ. مەسىلەن: سىز يېزىق بىر تەرەپ قىلىش سىستېمىسىدا باشقا بىر تىلدا ماقالە يازغان يېزىۋېتىپ، باشقا كۆزنەكتە يەنە بىر تىلنىڭ كۇنۇپكا ئورۇنلاشتۇرۇلۇشىنى ئىشلەتسىڭىز، بۇنى سىستېما ئەستە تۇتۇۋالىدۇ-دە سىزگە قۇلايلىق بولىدۇ.

ئادەتتە، يېڭى كۆزنەكتە كۆڭۈلدىكى كۇنۇپكا ئورۇنلاشتۇرۇلۇشى ئىشلىتىلىدۇ. يېڭى كۆزنەكتە ئەڭ ئاخىرقى قېتىم ئىشلەتكەن كۇنۇپكا ئورۇنلاشتۇرۇلۇشىنى ئىشلىتىدىغان قىلىپمۇ تەڭشىگىلى بولىدۇ. كۇنۇپكا ئورۇنلاشتۇرۇلۇشى تىزىمىدىكى ئەڭ ئۈستىدىكىسى كۆڭۈلدىكى كۇنۇپكا ئورۇنلاشتۇرۇلۇشى بولۇپ، ↑ ۋە ↓ نى بېسىپ ئورنىنى تەڭشەشكە بولىدۇ.