убунту(Ubuntu) системисини йирақтин контрол қилиш

әгәр сиз убунту системиси билән виндовс системисини бирликтә ишлитиватқан болсиңиз. ундақта виндовс арқилиқ убунту системисиға кирип, йирақтин контрол қилиш арқилиқ ишләтсиңиз, системини алмаштуруш аваричиликтин қутулисиз. шәхсән мән мушу хил усулда ишлитиватимән, төвәндә сизгә қандақ қилса убунтуни йирақтин контрол қилишни әмәлгә ашурушқа болидиғанлиқи тоғрисида қисқичә тохтилип өтимән.
буни әмәлгә ашурушниң бир нәччә хил йоли бар болуп, буниң ичидики xrd дегән программа арқилиқ әмәлгә ашуруш усулини тонуштуруп өтимән. ишлитидиған убунту болса әң йеңи нусхидики убунту 16.04 нусхиси.

1. xrdp ни қачилаш.

адәттә линакис системилирида буйруқ иҗра қилғанда, қилған ишлириңизни хатириләп маңидиған адәтни йетилдүрсиңиз, мәсилә көрүлгәндә һәл қилишқа қулайлиқ болиду.
йәни буйруқни иҗра қилиштин бурун буйруқ вә буйруқ нәтиҗилирини айрим бир һөҗҗәткә сақлаш үчүн төвәндики буйруқни иҗра қилип, терминалдики учурларни «xrdp.log» дегән һөҗҗәткә сақливалимиз.
script xrdp.log

xrdp01

төвәндики буйруқни терминалда иҗра қилимиз.
sudo apt-get install xrdp
xrdp02

«sudo» буйруқини ишләткәнликимиз үчүн мәхпий номурни киргүзүшни тәләп қилиду, мәхпий номурни киргүзүп , қайтуруш кунупкисини басимиз.«Do you wanto to continue?(y/n)» дегән учур чиқиду, «y» бесип иҗра қилишини давамлаштуримиз.
xrdp03

қачилинип болғанда төвәндики рәсимдикидәк учур көрүниду.
xrdp04

2. қошумчә үстәлүсти программисини қачилаш.
xrdp билән Unity үстәлүстиниң бирликтә иҗра бөлиши анчә яхши әмәс, әгәр сиз башқа үстәлүсти программисини орнатмисиңиз, сиз убунтуға йирақтин улиған вақтиңизда, сизгә пәқәт бир күлрәң екран көрүниду.буни һәл қилиш усули болса йәнә бир қошумчә үстәлүсти программисини қачилаш арқилиқ xrdp ни нормал ишләш муһитиға игә қилиштин ибарәт.
бу йәрдә қошумчә үстәлүсти программиси Mate-Desktop ни қачилаймиз.
төвәндики буйруқларни иҗра қилиш арқилиқ Mate-Desktop ни қачилаш илип баримиз.
sudo apt-get update
sudo apt-get install mate-core mate-desktop-environment mate-notification-daemon

xrdp05

xrdp06

xrdp07

.«Do you wanto to continue?(y/n)» дегән учур чиқиду, «y» бесип иҗра қилинишини давамлаштуримиз.
xrdp08

3. төвәндики һөҗҗәтни ечип, «fi» дегән қурниң астиға «mate-session» ни қистуримиз.
/etc/xrdp/startwm.sh

юқириқи һөҗҗәтни өзгәртип сақлап болғандин кейин йирақтин контрол қилишни синап көрсәк болиду.

xrdp13

xrdp14

xrdp кириш көзники чиқиду, бу йәргә убунтудики ишләткүчи исми билән имни киргүзүп «OK» бассақ системиға кириду.

xrdp14

системиға киргәндин кейинки көрүнүш. әслидики убунту билән көрүнүши охшаш әмәс буниң сәвәби xrdp арқилиқ киргәндә система ишләткән үстәлүсти болса Mate-Desktop программиси.
xrdp15


"убунту(Ubuntu) системисини йирақтин контрол қилиш " ға инкас йоқ


    қалдурдиған сөз барму?

    бирқисм html бәлгилирини ишлитишкә болиду