ubuntu 16.04 neshrini ornitish usuli

Ubuntu 16.04 neshrige munasiwetlik birinchi téma süpitide , köpchilikke ubuntu 16.04 ning üstel’üsti nusxisining qachilashning usulini qedemmu qedem tonushturushni layiq kördüm.

1. töwendiki ubuntuning tor bétidin 16.04 LTS nusxisining iso höjjitini chüshürimiz.
http://www.ubuntu.com/download/desktop

2.chüshürüp bolghan iso höjjitidin diskini teyyarlap , ‍ornatmaqchi bolghan kompyutérning CD-ROM gha sélip , kompyutérni qayta qozghitimiz.

3.kompyutér qayta qozghalghandin kéyin, ékranda resimdikidek qachilashta ishlitilidighan tilni tallash közniki ichilidu. sol tereptiki ramkidin <> ni tallaymiz

ubuntuni qachilash

4.<> ni tallighandin kéyin töwendiki resimdikidek köznek körünidu. eger ubuntuni sinap körmekchi bolsingiz ,<<ئۇبۇنتۇنى سىناپ باقىمەن>> dégen kunupkini bassingiz diskida turupla sinashni emelge ashurghili bolidu. bu yerde <> ni tallaymiz.

5. töwendikidek köznek körünidu, bularni ornitip bolghandin kéyinmu emelge ashurghili bolghanliqi ‍üchün tallimay, <<داۋاملاشتۇر>> ni tallaymiz. izahat, bu yerdiki ikki tallashni biri ubuntuni ornitish jeryanida neshrini yuqiri kötürüsh we bir qisim grafik, wasite détallirini chüshürüshke munasiwetlik tallashlar bolup tallisaqmu ornitishqa tesiri yoq , biraq ornitishqa sel waqit kétidu.

6. ornitish tipi közniki körünidu, bu yerdin birinchi »Erase disk and install Ubuntu« ni tallap <<ھازىر ئورنات>> kunupkisini basimiz, özingizning éhtiyajigha asasen 2 yaki 3 tallashni tallisingizmu bolidu.

7.töwendikidek diskidiki hemme nerse ‍öchürülidu shundaqtimu ornitamsiz dégendek eskertish közniki körünidu, eger bashqa pikringiz bolmisa << داۋاملاشتۇر >> kunupkisini basimiz.

8.siz nede? köznikidin waqit rayoni tallash köznikidin özingizge muwapiq bolghan rayonni chékish arqiliq tallaymiz. bu yerde »Urumqi« ni tallaymiz.

9.köngüldiki kunupka taxtisini saqlap qalamsiz dégen köznek körünidu, buningdin <<ھەئە>> ni basimiz.

10.hérip taxta orunlashturushi közniki körünidu, bu yerde aptomatik bayqighan hérip taxta orunlashturushi körsitilgen bolup, eger kunupka taxtisini toghra bolghan bolsa << داۋاملاشتۇر>> kunupkisini basimiz. eger xata bolghan bolsa << ھېرىپ تاختا جايلاشتۇرۇشنى بايقايدۇ>> kunupkini bassaq munasiwetlik tallash ramkiliri körünidu. bu misalni ishletken kompyutérda »English« bolghanliqi ‍üchün <<داۋاملاشتۇر>> kunupkisini basimiz.

11.siz kim? köznikidin özimizning munasiwetlik uchurlirini kirgüzüp <<داۋاملاشتۇر>> kunupkini basimiz. buning bilen ornitish resmiy türde bashlinidu.

12. ornitish jeryanda töwendikidek köznekler körünidu.

13. ornitish tamamlan’ghanda töwendikidek <<ئورنىتىش تامام>> közniki körünidu. <<ھازىر قايتا قوزغات>> kunupkisini bésip kompyutérni qayta qozghitimiz.

14.qayta qozghalghandin kiyin töwendikidek kirish közniki ichilidu. imni kirgüzüp <<داۋاملاشتۇر>> »Continue« kunupkisini bésish arqiliq sistémigha kirimiz.

kirgendin kéyiki körünüshi :

yuqiriqi bilen ornitish tamamlandi, belkim Uyghurche xetlerning normal körünmigenlikidin bi’aram boldingizghu deymen, buning hel qilish usulini kéyinki qétimliq yazmida tonushturimen.

belkim ornitish jeryanida bir qisim uchurlarning in’glizche chiqqinidin ejeblen’gen bolsingiz bu yerni bésish arqiliq ubuntuni terjime qilish guruppisigha qatnishing, pütünley Uyghurchigha terjime qilinishi ‍üchün bir kishilik hessingizni qoshushni ümid qilimiz.