ئۇبۇنتۇ 16.04 نەشرىنى ئورنىتىش ئۇسۇلى
Ubuntu 16.04 نەشرىگە مۇناسىۋەتلىك بىرىنچى تېما سۈپىتىدە ، كۆپچىلىككە ئۇبۇنتۇ 16.04 نىڭ ئۈستەلئۈستى نۇسخىسىنىڭ قاچىلاشنىڭ ئۇسۇلىنى قەدەممۇ قەدەم تونۇشتۇرۇشنى لايىق كۆردۈم.
1. تۆۋەندىكى ئۇبۇنتۇنىڭ تور بېتىدىن 16.04 LTS نۇسخىسىنىڭ iso ھۆججىتىنى چۈشۈرىمىز.
http://www.ubuntu.com/download/desktop
2.چۈشۈرۈپ بولغان iso ھۆججىتىدىن دىسكىنى تەييارلاپ ، ئورناتماقچى بولغان كومپيۇتېرنىڭ CD-ROM غا سېلىپ ، كومپيۇتېرنى قايتا قوزغىتىمىز.
3.كومپيۇتېر قايتا قوزغالغاندىن كېيىن، ئېكراندا رەسىمدىكىدەك قاچىلاشتا ئىشلىتىلىدىغان تىلنى تاللاش كۆزنىكى ئىچىلىدۇ. سول تەرەپتىكى رامكىدىن <<ئۇيغۇرچە>> نى تاللايمىز
4.<<ئۇيغۇرچە>> نى تاللىغاندىن كېيىن تۆۋەندىكى رەسىمدىكىدەك كۆزنەك كۆرۈنىدۇ. ئەگەر ئۇبۇنتۇنى سىناپ كۆرمەكچى بولسىڭىز ،<<ئۇبۇنتۇنى سىناپ باقىمەن>> دېگەن كۇنۇپكىنى باسسىڭىز دىسكىدا تۇرۇپلا سىناشنى ئەمەلگە ئاشۇرغىلى بولىدۇ. بۇ يەردە <
5. تۆۋەندىكىدەك كۆزنەك كۆرۈنىدۇ، بۇلارنى ئورنىتىپ بولغاندىن كېيىنمۇ ئەمەلگە ئاشۇرغىلى بولغانلىقى ئۈچۈن تاللىماي، <<داۋاملاشتۇر>> نى تاللايمىز. ئىزاھات، بۇ يەردىكى ئىككى تاللاشنى بىرى ئۇبۇنتۇنى ئورنىتىش جەريانىدا نەشرىنى يۇقىرى كۆتۈرۈش ۋە بىر قىسىم گرافىك، ۋاسىتە دېتاللىرىنى چۈشۈرۈشكە مۇناسىۋەتلىك تاللاشلار بولۇپ تاللىساقمۇ ئورنىتىشقا تەسىرى يوق ، بىراق ئورنىتىشقا سەل ۋاقىت كېتىدۇ.
6. ئورنىتىش تىپى كۆزنىكى كۆرۈنىدۇ، بۇ يەردىن بىرىنچى ”Erase disk and install Ubuntu“ نى تاللاپ <<ھازىر ئورنات>> كۇنۇپكىسىنى باسىمىز، ئۆزىڭىزنىڭ ئېھتىياجىغا ئاساسەن 2 ياكى 3 تاللاشنى تاللىسىڭىزمۇ بولىدۇ.
7.تۆۋەندىكىدەك دىسكىدىكى ھەممە نەرسە ئۆچۈرۈلىدۇ شۇنداقتىمۇ ئورنىتامسىز دېگەندەك ئەسكەرتىش كۆزنىكى كۆرۈنىدۇ، ئەگەر باشقا پىكرىڭىز بولمىسا << داۋاملاشتۇر >> كۇنۇپكىسىنى باسىمىز.
8.سىز نەدە؟ كۆزنىكىدىن ۋاقىت رايونى تاللاش كۆزنىكىدىن ئۆزىڭىزگە مۇۋاپىق بولغان رايوننى چېكىش ئارقىلىق تاللايمىز. بۇ يەردە ”Urumqi“ نى تاللايمىز.
9.كۆڭۈلدىكى كۇنۇپكا تاختىسىنى ساقلاپ قالامسىز دېگەن كۆزنەك كۆرۈنىدۇ، بۇنىڭدىن <<ھەئە>> نى باسىمىز.
10.ھېرىپ تاختا ئورۇنلاشتۇرۇشى كۆزنىكى كۆرۈنىدۇ، بۇ يەردە ئاپتوماتىك بايقىغان ھېرىپ تاختا ئورۇنلاشتۇرۇشى كۆرسىتىلگەن بولۇپ، ئەگەر كۇنۇپكا تاختىسىنى توغرا بولغان بولسا << داۋاملاشتۇر>> كۇنۇپكىسىنى باسىمىز. ئەگەر خاتا بولغان بولسا << ھېرىپ تاختا جايلاشتۇرۇشنى بايقايدۇ>> كۇنۇپكىنى باسساق مۇناسىۋەتلىك تاللاش رامكىلىرى كۆرۈنىدۇ. بۇ مىسالنى ئىشلەتكەن كومپيۇتېردا ”English“ بولغانلىقى ئۈچۈن <<داۋاملاشتۇر>> كۇنۇپكىسىنى باسىمىز.
11.سىز كىم؟ كۆزنىكىدىن ئۆزىمىزنىڭ مۇناسىۋەتلىك ئۇچۇرلىرىنى كىرگۈزۈپ <<داۋاملاشتۇر>> كۇنۇپكىنى باسىمىز. بۇنىڭ بىلەن ئورنىتىش رەسمىي تۈردە باشلىنىدۇ.
12. ئورنىتىش جەرياندا تۆۋەندىكىدەك كۆزنەكلەر كۆرۈنىدۇ.
13. ئورنىتىش تاماملانغاندا تۆۋەندىكىدەك <<ئورنىتىش تامام>> كۆزنىكى كۆرۈنىدۇ. <<ھازىر قايتا قوزغات>> كۇنۇپكىسىنى بېسىپ كومپيۇتېرنى قايتا قوزغىتىمىز.
14.قايتا قوزغالغاندىن كىيىن تۆۋەندىكىدەك كىرىش كۆزنىكى ئىچىلىدۇ. ئىمنى كىرگۈزۈپ <<داۋاملاشتۇر>> ”Continue“ كۇنۇپكىسىنى بېسىش ئارقىلىق سىستېمىغا كىرىمىز.
كىرگەندىن كېيىكى كۆرۈنۈشى :
يۇقىرىقى بىلەن ئورنىتىش تاماملاندى، بەلكىم ئۇيغۇرچە خەتلەرنىڭ نورمال كۆرۈنمىگەنلىكىدىن بىئارام بولدىڭىزغۇ دەيمەن، بۇنىڭ ھەل قىلىش ئۇسۇلىنى كېيىنكى قېتىملىق يازمىدا تونۇشتۇرىمەن.
بەلكىم ئورنىتىش جەريانىدا بىر قىسىم ئۇچۇرلارنىڭ ئىنگلىزچە چىققىنىدىن ئەجەبلەنگەن بولسىڭىز بۇ يەرنى بېسىش ئارقىلىق ئۇبۇنتۇنى تەرجىمە قىلىش گۇرۇپپىسىغا قاتنىشىڭ، پۈتۈنلەي ئۇيغۇرچىغا تەرجىمە قىلىنىشى ئۈچۈن بىر كىشىلىك ھەسسىڭىزنى قوشۇشنى ئۈمىد قىلىمىز.
قالدۇردىغان سۆز بارمۇ؟