әң даңлиқ болған 10 чоң линакис тарқитилмиси

10top_linux_dist

линакис болса толуқ болған бир мәшғулат системиси болмастин у пәқәт бир kernel йәни ядро. линакисниң тарқитилмиси болса линакисниң ядро қисмини илип уни башқа һәқсиз юмшақ деталлар билән бириктүрүп тарқатқан толуқ болған юмшақ детал болиқини көрситидиған болуп, һазирға қәдәр нурғунлиған линакисниң тарқитилмилири елан қилинди, елан қилиниватиду. линакисни орнитиш дегинимиз сизниң мәлум бир линакисниң тарқитилмисини орнитишиңиздин дерәк бериду.
бизму тиришидиғанла кәлгүсидә Уйғурчә юмшақ деталларниң йиғиндиси билән линакиси ядросини бириктүрүп тамамән Уйғурчә көрүнмә йүз вә Уйғурчә юмшақ деталлардин тәркиб тапқан линакисниң тарқитилмисини барлиққа кәлтүрәлишимиз мумкин. убунтуниң тәрҗимә хизмәтлири буниң үчүн бир муһим йол болғуси.

1.убунту
бәлким убунту һәммидин тонушлуқ болған линакисниң тарқитилмиси болуши мумкин , бәлким униң тонулушиға униң үстәлүсти нусхиси ишлитишкә интайин қулайлиқ болғанлиқи үчүн адәттики ишләткүчиләр арисида алқишқа еришкәнлики сәвәб бөлиши мумкин. убунту болса дибйән(Debian) системини асас қилип барлиққа кәлгән ,өзиниң юмшақ детал тарқитиш мәнбәси бар болған тарқитилма.
убунту өзигә хас үстәлүсти вә мулазиметир тарқитилмилирини барлиққа кәлтүргән болуп,дәсләпки мәзгилләрдә GNOME 2 үстәлүсти муһитини ишләткән болуп , һазир болса өзиниң Unity үстәлүсти муһитини ишлитиду. һәр алтә айда бир қетим тарқитилминиң йеңи нусхисини елан қилидиған болуп , узун муддәтлик қоллашқа еришкән( LTS ( long term support тарқитилмиси болса һәр икки йилда бир қетим елан қилиниду. һазир убунтуниң тарқитилмилирини әқлий иқтидарлиқ янфон вә тахта компютерларда ишләйдиған қилип кеңәйтиливатиду.

шәхсән өзүм убунту билән тунҗи қетим 2007-йили учрашқан болуп, тунҗи учрашқан линакисниң тарқитилмиси десәмму болиду. әлвәттә униңдин бурун башқа тарқитилмилирини биләттим, лекин ишлитип көрмигән.

ubutnu

2. Linux Mint
Mint тарқитилмиси болса убунтуниң үстигә қурулған болуп, убунтуниң юмшақ детал мәнбәсини ишлитиду, охшаш юмшақ детал болиқи Mint вә Ubuntu һәр иккилисигә ортақ бар болған болиду. Mint ниң алқишқа еришиштики асаслиқ сәвәби болса убунту өз ичигә алмиған кодлиғуч-кодсизлиғуч(codecs) вә өз алдиға юмшақ детали бар болғанлиқида.
Mint да убунтуниң Unity үстәлүсти программиси йоқ болуп, Cinamon яки Mate үстәлүсти программиси бар. Mint аптоматик һалда юмшақ деталларни йеңилимайдиған болуп, бу убунту ачқучилири тәрипидин бихәтәр болмиған тарқитилма дәп қарилишқа сәвәб болған.

mint

3. Debian
Debian түри 1993 йилдин башланған болуп һазирға қәдәр 20 йилдин артуқ вақит болди. кәң көләмдә алқишқа еришкән бу түр һазирға қәдәр Debian ниң йеңи нусхисини елан қиливатқан болуп , бирақ Ubuntu вә Mint ниң йеңилинишиға қариғанда көп аста. бирақ бундақ болушниңму өз алдиға алаһидиликкә игә болуп бир қәдәр муқим вә узун мәзгил ишлитишкә баб келиду.
Ubuntu юқирида дейилип өтүнгәндәк Debian дин тәрәққий қилған болуп , Debian ни тез, ишләткүчиләргә қулайлиқ болған юмшақ детал боғчиси билән тәмин етиштәк алаһидиликкә игә.

debian-gnome-desktop

4.Fedora
Fedora ни күчини һәқсиз юмшақ деталға мәркәзләштүргән бир түр десәк хаталашмаймиз. үчинчи тәрәпниң юмшақ детал мәнбәсини ишлитишкә болиду. юмшақ деталларниң әң йеңи нусхисини өзигә муҗәссәмлигән болуп, ичилиши алдида кетип барған тарқитилминиң бири десәк болиду. убунту ға охшимайдиған йери, Fedora ниң өз алдиға үстәлүсти муһити йоқ болуп, сүкүттики үстәлүсти программиси болса Gnome 3, ундин башқа spins ниму ишлитишкә болиду.
Fedora болса Red Hat ширкитиниң қоллишиға еришкән болуп , сода түсидики Red Hat линакисниң асаси , бирақ Red Hat билән охшимайдиған йери болса Fedora дәп өтүлгәндәк әң йеңи юмшақ деталларни өзигә муҗәссәмлигән болуп, узун муддәтлик қоллиши йоқ. әгәр узун муддәтлик қоллашқа еришкән нусхисини ишлитишни халисиңиз Red Hat ниң карханилар үчүн тәминлигән линакисқа мураҗиәт қилсиңиз болиду.
әгәр әң йеңи нусхидики юмшақ деталлар билән тезрәк көрүшүшни үмид қилсиңиз Fedora ни ишләтсиңиз болиду.

Fedora

5.CentOS/Red Hat
RedHat кархана нусхисидики линакис болса сода характердики линакисниң тарқитилмиси болуп асаслиқи мулазиметир вә хизмәт суписи(workstations) үчүн ‍ишләнгән. булар Fedora түрини асас қилип барлиққа күлидиған болуп, кархана нусхиси болуш сүпити билән узун муддәтлик қоллашқа еришкән болиду, бу һәм Fedora билән түпки пәрқи. Red Hat өзиниң Red Hat Linux Enterprise ни марка қануни арқилиқ башқилар тәрипидин қайта тарқитишиниң алдини алдиған болуп,шундақтиму асаслиқ қисми (core) һәқсиз вә очуқ кодлуқ, CentOS дәл Red Hat тәминлигән һәқсиз очуқ кодлуқ қисмини асас қилип тор дунясидики көпчилик тәрипидин башқурулидиған түр һесаблиниду, Red Hat ниң маркисини иливетип һәқсиз тарқатқан нусхиси мундақчә ейтқанда Red Had Enterprise Linux һәқсиз нусхиси десәкму болиду. әгәр узун муддәтлик қоллашқа еришкән һәқсиз нусхисиға еришмәкчи болсиңиз CentOS сизниң йәнә бир таллишиңиз болалайду.

centos-desktop

6.openSUSE / SUSE Linux Enterprise
openSUSE болса Novell ширкити тәрипидин қоллашқа еришкән тарқитилмиси болуп, Novell ширкити SuSE Linux ни сетивалған,Red Hat ширкитиниң Fedora түрини Red Hat Enterprise Linux ниң асаси қилғиниға охшаш, Novell ширкити openSUSE түрини өзиниң SUSE Linux Enterprise ниң асасий қилиду, йәни openSUSE һәқсиз, SUSE Linux Enterprise нусхиси һәқсиз. Fedora ға охшаш openSUSE өзигә әң йеңи деталларни муҗәссәмлигән болиду. дәсләпки мәзгилләрдә SUSE ниң көрүнмә йүзи ишләткүчиләр үчүн әң қулайлиқ болған болса кейинчә бу орун Ubuntu ға тәвә болди.

openSUSE

7.Mageia / Mandriva
Mageia болса Mandriva ниң бир тармиқи болуп, убунтудин бурун Mandriva ишләткүчиләр үчүн қулайлиқ болған линакисниң бир түри һесабланған. Fedora вә openSUSE ға охшаш авам тәрипидин ечилған линакисниң тарқитилмилириниң бири. шәхси компютер нусхисини ичиштин алла бурун тохтиған болуп , Fedora вә openSUSE лар өзлирини қоллиғучи ширкәтниң мулазиметир нусхиси үчүн хизмәт қилғанға охшаш Mageia ниң коди униң мулазиметир нәшри үчүн хизмәт қилиду.

Mandriva

8.Arch Linux
Arch линакисни башқа тарқитилмилириға қариған бир қәдәр йеши чоң десәк болиду. башқа тарқитилмилириға қариған маслишишчанлиққа игә болупла қалмай,йеник, ихчам болуш алаһидиликидин башқа аддийлиқини сақлап қалған . аддийлиқ дегәнлик графикилиқ көрүнмә йүзи тәмин әтмәслик яки бәзи орнитишни аптоматик илип баралмайду дегәнликидин дерәк бәрмәйду.

Arch

9.Slackware Linux
Slackware линакис 1993-йили барлиққа кәлгән болуп, Slackware ни әң кона линакисниң тарқитилмисиниң бири һесаблиниду. Slackware линакиста зөрүрийити болмиған графикилиқ қораллар вә аптоматлаштуруш кодлирини қошмиған болуп, дискини районға бөлүш Қатарлиқларни өзиңизниң илип беришиңизға тоғра келиду. консерватип линакис десиму артуқ кәтмәйду.

Slackware

10. Puppy Linux
Puppy линакисму хили тонулған линакисниң бири, дәсләпки нусхиси убунтуниң үстигә қурулған болуп, кейинчә Slackware ни асас қилип қурулған. Puppy ниң һәҗми кичик қилип лайиһиләнгән болуп, хели кона компютердиму нормал ишләш имканийити бар. Puppyниң ISO һөҗҗити 161 мегабайт , 266 мегабайитлиқ ички сақлиғучлуқ(RAM) компютердиму ишлитәләйсиз, 512 мегабайитлиқ ички сақлиғуч муһити әң мувапиқ.

PuppyLinux

хуласә:
юқирида бирқәдәр тонулған линакисниң 10 тарқитилмисини тонуштурдуқ, булардин башқа линакисниң түри нурғун болуп, линакисни ишлитишкә тоғра кәлгәндә өз еһтияҗиңизға асасән таллап ишләтсиңиз болиду. бу начар бу яхши дәйдиған иш йоқ, сизниң еһтияҗиңизни қандуралиған линакисниң тарқитилмиси сиз үчүн әң яхши.
мәсилән: линакисни Уйғурчә ишлитимән, шәхси компютерда виндовсниң орнида ишлитимән десиңиз әлвәттә убунту әң яхши таллаш. мулазиметирға ишлитимән десиңиз CentOS/Red Hat Enterprise Linux, openSUSE / SUSE Linux Enterprise Қатарлиқлар таллишиңиз болалайду. әгәр қаттиқ детал сәвәблик пенсийигә чиққан кона компютериңизни қайтидин Һаятлиққа ериштүрүшни ойлисиңиз Slackware, Puppy ни ишләтсиңиз болиду.


"әң даңлиқ болған 10 чоң линакис тарқитилмиси " ға 1 инкас

  • аблимит
    2016-йил 1-сентәбир (8:30 am)
    җавап қайтуруш

    мениң бу компийотиримда winfows XP маңмайдиған болуп қеливеди Lubuntu арқилиқ тирикчилик қиливатимән


қалдурдиған сөз барму?

бирқисм html бәлгилирини ишлитишкә болиду