eng dangliq bolghan 10 chong linakis tarqitilmisi

10top_linux_dist

linakis bolsa toluq bolghan bir meshghulat sistémisi bolmastin u peqet bir kernel yeni yadro. linakisning tarqitilmisi bolsa linakisning yadro qismini ilip uni bashqa heqsiz yumshaq détallar bilen biriktürüp tarqatqan toluq bolghan yumshaq détal boliqini körsitidighan bolup, hazirgha qeder nurghunlighan linakisning tarqitilmiliri élan qilindi, élan qiliniwatidu. linakisni ornitish déginimiz sizning melum bir linakisning tarqitilmisini ornitishingizdin dérek béridu.
bizmu tirishidighanla kelgüside Uyghurche yumshaq détallarning yighindisi bilen linakisi yadrosini biriktürüp tamamen Uyghurche körünme yüz we Uyghurche yumshaq détallardin terkib tapqan linakisning tarqitilmisini barliqqa keltürelishimiz mumkin. ubuntuning terjime xizmetliri buning üchün bir muhim yol bolghusi.

1.ubuntu
belkim ubuntu hemmidin tonushluq bolghan linakisning tarqitilmisi bolushi mumkin , belkim uning tonulushigha uning üstel’üsti nusxisi ishlitishke intayin qulayliq bolghanliqi üchün adettiki ishletküchiler arisida alqishqa érishkenliki seweb bölishi mumkin. ubuntu bolsa dibyen(Debian) sistémini asas qilip barliqqa kelgen ,özining yumshaq détal tarqitish menbesi bar bolghan tarqitilma.
ubuntu özige xas üstel’üsti we mulazimétir tarqitilmilirini barliqqa keltürgen bolup,deslepki mezgillerde GNOME 2 üstel’üsti muhitini ishletken bolup , hazir bolsa özining Unity üstel’üsti muhitini ishlitidu. her alte ayda bir qétim tarqitilmining yéngi nusxisini élan qilidighan bolup , uzun muddetlik qollashqa érishken( LTS ( long term support tarqitilmisi bolsa her ikki yilda bir qétim élan qilinidu. hazir ubuntuning tarqitilmilirini eqliy iqtidarliq yanfon we taxta kompyutérlarda ishleydighan qilip kéngeytiliwatidu.

shexsen özüm ubuntu bilen tunji qétim 2007-yili uchrashqan bolup, tunji uchrashqan linakisning tarqitilmisi désemmu bolidu. elwette uningdin burun bashqa tarqitilmilirini bilettim, lékin ishlitip körmigen.

ubutnu

2. Linux Mint
Mint tarqitilmisi bolsa ubuntuning üstige qurulghan bolup, ubuntuning yumshaq détal menbesini ishlitidu, oxshash yumshaq détal boliqi Mint we Ubuntu her ikkilisige ortaq bar bolghan bolidu. Mint ning alqishqa érishishtiki asasliq sewebi bolsa ubuntu öz ichige almighan kodlighuch-kodsizlighuch(codecs) we öz aldigha yumshaq détali bar bolghanliqida.
Mint da ubuntuning Unity üstel’üsti programmisi yoq bolup, Cinamon yaki Mate üstel’üsti programmisi bar. Mint aptomatik halda yumshaq détallarni yéngilimaydighan bolup, bu ubuntu achquchiliri teripidin bixeter bolmighan tarqitilma dep qarilishqa seweb bolghan.

mint

3. Debian
Debian türi 1993 yildin bashlan’ghan bolup hazirgha qeder 20 yildin artuq waqit boldi. keng kölemde alqishqa érishken bu tür hazirgha qeder Debian ning yéngi nusxisini élan qiliwatqan bolup , biraq Ubuntu we Mint ning yéngilinishigha qarighanda köp asta. biraq bundaq bolushningmu öz aldigha alahidilikke ige bolup bir qeder muqim we uzun mezgil ishlitishke bab kélidu.
Ubuntu yuqirida déyilip ötün’gendek Debian din tereqqiy qilghan bolup , Debian ni téz, ishletküchilerge qulayliq bolghan yumshaq détal boghchisi bilen temin étishtek alahidilikke ige.

debian-gnome-desktop

4.Fedora
Fedora ni küchini heqsiz yumshaq détalgha merkezleshtürgen bir tür dések xatalashmaymiz. üchinchi terepning yumshaq détal menbesini ishlitishke bolidu. yumshaq détallarning eng yéngi nusxisini özige mujessemligen bolup, ichilishi aldida kétip barghan tarqitilmining biri dések bolidu. ubuntu gha oxshimaydighan yéri, Fedora ning öz aldigha üstel’üsti muhiti yoq bolup, süküttiki üstel’üsti programmisi bolsa Gnome 3, undin bashqa spins nimu ishlitishke bolidu.
Fedora bolsa Red Hat shirkitining qollishigha érishken bolup , soda tüsidiki Red Hat linakisning asasi , biraq Red Hat bilen oxshimaydighan yéri bolsa Fedora dep ötülgendek eng yéngi yumshaq détallarni özige mujessemligen bolup, uzun muddetlik qollishi yoq. eger uzun muddetlik qollashqa érishken nusxisini ishlitishni xalisingiz Red Hat ning karxanilar üchün teminligen linakisqa muraji’et qilsingiz bolidu.
eger eng yéngi nusxidiki yumshaq détallar bilen tézrek körüshüshni ümid qilsingiz Fedora ni ishletsingiz bolidu.

Fedora

5.CentOS/Red Hat
RedHat karxana nusxisidiki linakis bolsa soda xaraktérdiki linakisning tarqitilmisi bolup asasliqi mulazimétir we xizmet supisi(workstations) üchün ‍ishlen’gen. bular Fedora türini asas qilip barliqqa külidighan bolup, karxana nusxisi bolush süpiti bilen uzun muddetlik qollashqa érishken bolidu, bu hem Fedora bilen tüpki perqi. Red Hat özining Red Hat Linux Enterprise ni marka qanuni arqiliq bashqilar teripidin qayta tarqitishining aldini aldighan bolup,shundaqtimu asasliq qismi (core) heqsiz we ochuq kodluq, CentOS del Red Hat teminligen heqsiz ochuq kodluq qismini asas qilip tor dunyasidiki köpchilik teripidin bashqurulidighan tür hésablinidu, Red Hat ning markisini iliwétip heqsiz tarqatqan nusxisi mundaqche éytqanda Red Had Enterprise Linux heqsiz nusxisi désekmu bolidu. eger uzun muddetlik qollashqa érishken heqsiz nusxisigha érishmekchi bolsingiz CentOS sizning yene bir tallishingiz bolalaydu.

centos-desktop

6.openSUSE / SUSE Linux Enterprise
openSUSE bolsa Novell shirkiti teripidin qollashqa érishken tarqitilmisi bolup, Novell shirkiti SuSE Linux ni sétiwalghan,Red Hat shirkitining Fedora türini Red Hat Enterprise Linux ning asasi qilghinigha oxshash, Novell shirkiti openSUSE türini özining SUSE Linux Enterprise ning asasiy qilidu, yeni openSUSE heqsiz, SUSE Linux Enterprise nusxisi heqsiz. Fedora gha oxshash openSUSE özige eng yéngi détallarni mujessemligen bolidu. deslepki mezgillerde SUSE ning körünme yüzi ishletküchiler üchün eng qulayliq bolghan bolsa kéyinche bu orun Ubuntu gha tewe boldi.

openSUSE

7.Mageia / Mandriva
Mageia bolsa Mandriva ning bir tarmiqi bolup, ubuntudin burun Mandriva ishletküchiler üchün qulayliq bolghan linakisning bir türi hésablan’ghan. Fedora we openSUSE gha oxshash awam teripidin échilghan linakisning tarqitilmilirining biri. shexsi kompyutér nusxisini ichishtin alla burun toxtighan bolup , Fedora we openSUSE lar özlirini qollighuchi shirketning mulazimétir nusxisi üchün xizmet qilghan’gha oxshash Mageia ning kodi uning mulazimétir neshri üchün xizmet qilidu.

Mandriva

8.Arch Linux
Arch linakisni bashqa tarqitilmilirigha qarighan bir qeder yéshi chong dések bolidu. bashqa tarqitilmilirigha qarighan maslishishchanliqqa ige bolupla qalmay,yénik, ixcham bolush alahidilikidin bashqa addiyliqini saqlap qalghan . addiyliq dégenlik grafikiliq körünme yüzi temin etmeslik yaki bezi ornitishni aptomatik ilip baralmaydu dégenlikidin dérek bermeydu.

Arch

9.Slackware Linux
Slackware linakis 1993-yili barliqqa kelgen bolup, Slackware ni eng kona linakisning tarqitilmisining biri hésablinidu. Slackware linakista zörüriyiti bolmighan grafikiliq qorallar we aptomatlashturush kodlirini qoshmighan bolup, diskini rayon’gha bölüsh Qatarliqlarni özingizning ilip bérishingizgha toghra kélidu. konsérwatip linakis désimu artuq ketmeydu.

Slackware

10. Puppy Linux
Puppy linakismu xili tonulghan linakisning biri, deslepki nusxisi ubuntuning üstige qurulghan bolup, kéyinche Slackware ni asas qilip qurulghan. Puppy ning hejmi kichik qilip layihilen’gen bolup, xéli kona kompyutérdimu normal ishlesh imkaniyiti bar. Puppyning ISO höjjiti 161 mégabayt , 266 mégabayitliq ichki saqlighuchluq(RAM) kompyutérdimu ishliteleysiz, 512 mégabayitliq ichki saqlighuch muhiti eng muwapiq.

PuppyLinux

xulase:
yuqirida birqeder tonulghan linakisning 10 tarqitilmisini tonushturduq, bulardin bashqa linakisning türi nurghun bolup, linakisni ishlitishke toghra kelgende öz éhtiyajingizgha asasen tallap ishletsingiz bolidu. bu nachar bu yaxshi deydighan ish yoq, sizning éhtiyajingizni qanduralighan linakisning tarqitilmisi siz üchün eng yaxshi.
mesilen: linakisni Uyghurche ishlitimen, shexsi kompyutérda windowsning ornida ishlitimen désingiz elwette ubuntu eng yaxshi tallash. mulazimétirgha ishlitimen désingiz CentOS/Red Hat Enterprise Linux, openSUSE / SUSE Linux Enterprise Qatarliqlar tallishingiz bolalaydu. eger qattiq détal seweblik pénsiyige chiqqan kona kompyutéringizni qaytidin Hayatliqqa érishtürüshni oylisingiz Slackware, Puppy ni ishletsingiz bolidu.


"eng dangliq bolghan 10 chong linakis tarqitilmisi " gha 1 inkas

  • ablimit
    2016-yil 1-séntebir (8:30 am)
    jawap qayturush

    méning bu kompiyotirimda winfows XP mangmaydighan bolup qéliwédi Lubuntu arqiliq tirikchilik qiliwatimen


qaldurdighan söz barmu?

birqism html belgilirini ishlitishke bolidu