linakis meshghulat sistémisini toghra tonush

mezkur yazma sabiq http://www.ugubuntu.com torbétidin élindi. bu bet gerche taqilip qalghan bolsimu, dunya tor ghemliki http://web.archive.org da saqlinip qalghan mezmunni shu péti köchürüp ishlettuq. ghemlektiki  ulanmisi http://web.archive.org/web/20120506001947/http://www.ugubuntu.com/linuxni-toghra-tunush.html

Windows dégen atalghu köpinche kishilerning idiyiside kompyutér dégen atalghu bilen birliship ketken, hetta Windows bolmisa kompyutérni ishletkili bolmaydu dep oylaydighanlarmu az emes. buning asasliq sewebi bizge uchrighan kompyutérlarning köpinchisige Windows meshghulat sistémisining qachilan’ghanliqidur.undaqta kompyutér ishletküchilirige Windows meshghulat sistémisini qachilashtin bashqa tallash yoqmu ?
emeliyette hergiz undaq emes. kompyutér toridin yaki mexsus meshghulat sistémisi tonushturulghan kitablardin izdeydighan bolsaq Dos, Windows, Unix, Linux,Minix, MAC OS……Qatarliq ondin artuq meshghulat sistémisining ismini tapalaymiz. eger yéngidin ishliniwatqan, ishlinish aldida turghan we ishlitilishtin qalghanlirini qoshidighan bolsaq téximu köp. biraq kompyutér bizge kirip ishlitilishke bashlighandila mikrosoft shirkitining Dos meshghulat sistémisi arqiliq kirgen hem mikrosoftning yumshaq détal tereqqiyatini boylap keng türde omumlashqan bolghachqa bizge Windows dégen atalghu bekla chongqur ornap ketken. mesilen kompyutér bilen deslep tonushqanlarning köpinchisi Windows 3.2, Windows 95, Windows 98, Windows ME, Windows 2000, Windows XP Qatarliqlarni ishlitip körgen ,téxi yéngidin kompyutérni ishlitishke bashlighanlar bolsimu biwasite Windows 2000 yaki Windows XP bilen uchrishidu. chünki Windows meshghulat sistémisining iqtidari intayin küchlük, ishlitish nahayiti qulayliq. biraq bu bashqa meshghulat sistémiliri Windows qa yetmeydu dégili bolmaydu. herxil meshghulat sistémisining özgiche alahidilikliri bar. mesilen : MAC OS ning közneklik körünüsh we muqimliq jehettiki iqtidarini pütün dunya étirap qilidu. biraq bu sistéma peqet alma markiliq kompyutérlardila eng yaxshi ishleydu. Unix, Linux meshghulat sistémilirining kompyutér tori, kompyutér bixeterliki we sistéma muqimliqi jehettiki iqtidari intayin küchlük… gerche PC kompyutér saheside Windows asasliq orunni igilewatqan bolsimu, biraq özgiche iqtidari bilen yenila xéli köp saheni kontrol qilip turuwatqan we üzlüksiz tereqqiy qiliwatqini yenila Linux meshghulat sistémisi. Linux nöwettiki kompyutér meshghulat sistémisi sahesidiki bir qiziq nuqta hésablinidu. deslipide bu meshghulat sistémisi qachilash jehettiki bezibir yétersizliki , teshwiqatning yaxshi bolmasliqi we bashqa qismen sewebler tüpeylidin keng ishlitishke érishelmey kelgen bolsimu , biraq aldinqi nechche yil ichidiki tereqqiyat netijiside herqaysi jehettiki iqtidari mukemmelliship bir qétimliq Linux dolquni qozghaldi. bu mikrosoft shirkitigimu xéli zor bésim élip keldi.
mining bu yerde démekchi bolghinim hergizmu Linux meshghulat sistémisi kökke kötürüp Windows meshghulat sistémisini chüshürüsh emes, belki köpchilikke téximu bixeter téximu erzan bolghan Linux meshghulat sistémisini tonushturushtur xalas. eger siz Linux meshghulat sistémisini ishlitishni ögenmekchi bolsingiz , Ubuntu Linux meshghulat sistémisi sizge eng yaxshi bosugha bolalaydu.


"linakis meshghulat sistémisini toghra tonush " gha 2 inkaslar

  • xjsalkin
    2019-yil 26-séntebir (11:28 pm)
    jawap qayturush

    bu linakis séstimisgha yumshaq détallarni qandaq qachilaymiz, men mysqlqachilay, digen, eslidighu qachilaqliq ikenduq, likin sandan’gha qandaq kirishni bilmidim, mining üskünem tawbawlarda sétilwatqan nasüskinisi shu idi, bir torbet qachilap üchürüp qayta qachilmaqchi bolsam sandandiki qalduq höjjitini üchürwéting, dep eskertme chiqidu, uni nedin üchürüshni bilmidim, manga buni satqanlarmu bilmeydiken,

    • uyghurix
      2019-yil 27-séntebir (11:52 am)
      jawap qayturush

      siz ishltiwatqan linakis qaysi neshiri, eger qaysi ikenlikini bilimisngiz, términalgha kirip töwendiki buyruqni ijra qilsingz bolidu.
      cat /etc/*release
      neshirge qarap qachilash usulida periq bolidu.


qaldurdighan söz barmu?

birqism html belgilirini ishlitishke bolidu