торбәт тоғрисида

бу торбәтниң исмида ишлитилгән Уйғурикис(Uyghurix) болса, Уйғур(Uyghur) сөзи билән линакис(Linux) сөзиниң бирикишидин түзүлгән болуп, бундин бурун убунтуниң Уйғурчә орнитиш дискиси мушу исимда тарқитилған, шундақла мушу тор намида тор бәтләрму қурулған,әмма һәрхил сәвәбләр билән бу торбәтләр йоқ болуп кәтти.

бундин башқа угубунту(ugubuntu.com) намида линакис системиси вә убунтуға мунасивәтлик мәзмунлар бир қәдәр толуқ болған торбетиму болған болуп, бу торбәтму һәр хил сәвәбләр билән тохтап қалди. бизниң билишимизчә әйни вақиттики торбәтләрниң ugubuntu.com ниң мәзмуни бир қәдәр мол иди. бу йәрдә уларниң миннәтсиз әмгикигә рәһмәт ейтимиз.

юқирида ейтип өтүлгәндәк линакисқа мунасивәтлик мәзмунлар интайин тарқақ һаләттә болуп, Уйғурчә линакисқа мунасивәтлик мәзмунларни бир йәргә йиғиш шундақла убунтуниң Уйғурчә тәрҗимә ишлириға йеқиндин маслишип убунту системисиниң хәлқимиз арисида азрақ болсиму омумлишиши вә қизиққучиларни ана тилимизда ‍учур техникилиқ учурлар билән тәминләш мәқситидә мәзкур намда бу торбәтни ачтуқ. линакисқа мунасивәтлик учурларни йиғиш үчүн бурунқи Уйғурчә линакисқа мунасивәтлик мәзмунлар мәнбәсини әскәрткән асаста бу йәргә көчүрүп келимиз, әгәр теминиң әсли игиси у теминиң бу йәргә көчүрүлүп келишигә қарши пикри болса бизгә йәткүзүп қоюшини үмид қилимиз, теминиң өчүрүлүш илтимасини тапшуруп алсақла мунасивәтлик темини өчүрүветимиз.

Linux дегән аталғу Уйғурчида линкус, линикис,линакис дегәндәк һәр хил тәләппуз қилиниватқан болуп, мәзкур торбәттә Linux ни линакис дәп илишни мувапиқ көрдуқ.

убунтуниң тәрҗимә хизмәтлири йиллардин буян давамлишиватқан болуп, тәрҗимә хизмәтлири техиму көп адәмләрниң қатнишиға моһтаҗ,убунтуниң тәрҗимә хизмәтлиригә қатнишиш үчүн сиздә чоқум линакис билими болуш тәләп қилинмайду. убунтуниң тәрҗимә хизмитигә қатнишиш вә тәрҗимә ‍ишлириға ярдәмдә болуш сиз ойлиғандәк мурәккәп әмәс, әгәр убунтуниң тәрҗимә ишлириға азрақ болсиму күч чиқиришини халисиңиз, мәзкур торбәттики тәрҗимигә аит учурлардин пайдилинип, арқилиқ тәрҗимә хизмитигә қатнишишиңизни үмид қилимиз.

убунтуниң тәрҗимә хизмити сизгә моһтаҗ!!

әскәртиш: мәзкур торбәт бир нәччә йилларниң алдидики Уйғурикис торбети билән мунасивәтсиз, әмма мәқсити охшаш.