torbet toghrisida

bu torbetning ismida ishlitilgen Uyghurikis(Uyghurix) bolsa, Uyghur(Uyghur) sözi bilen linakis(Linux) sözining birikishidin tüzülgen bolup, bundin burun ubuntuning Uyghurche ornitish diskisi mushu isimda tarqitilghan, shundaqla mushu tor namida tor betlermu qurulghan,emma herxil sewebler bilen bu torbetler yoq bolup ketti.

bundin bashqa ug’ubuntu(ugubuntu.com) namida linakis sistémisi we ubuntugha munasiwetlik mezmunlar bir qeder toluq bolghan torbétimu bolghan bolup, bu torbetmu her xil sewebler bilen toxtap qaldi. bizning bilishimizche eyni waqittiki torbetlerning ugubuntu.com ning mezmuni bir qeder mol idi. bu yerde ularning minnetsiz emgikige rehmet éytimiz.

yuqirida éytip ötülgendek linakisqa munasiwetlik mezmunlar intayin tarqaq halette bolup, Uyghurche linakisqa munasiwetlik mezmunlarni bir yerge yighish shundaqla ubuntuning Uyghurche terjime ishlirigha yéqindin masliship ubuntu sistémisining xelqimiz arisida azraq bolsimu omumlishishi we qiziqquchilarni ana tilimizda ‍uchur téxnikiliq uchurlar bilen teminlesh meqsitide mezkur namda bu torbetni achtuq. linakisqa munasiwetlik uchurlarni yighish üchün burunqi Uyghurche linakisqa munasiwetlik mezmunlar menbesini eskertken asasta bu yerge köchürüp kélimiz, eger témining esli igisi u témining bu yerge köchürülüp kélishige qarshi pikri bolsa bizge yetküzüp qoyushini ümid qilimiz, témining öchürülüsh iltimasini tapshurup alsaqla munasiwetlik témini öchürüwétimiz.

Linux dégen atalghu Uyghurchida linkus, linikis,linakis dégendek her xil teleppuz qiliniwatqan bolup, mezkur torbette Linux ni linakis dep ilishni muwapiq körduq.

ubuntuning terjime xizmetliri yillardin buyan dawamlishiwatqan bolup, terjime xizmetliri téximu köp ademlerning qatnishigha mohtaj,ubuntuning terjime xizmetlirige qatnishish üchün sizde choqum linakis bilimi bolush telep qilinmaydu. ubuntuning terjime xizmitige qatnishish we terjime ‍ishlirigha yardemde bolush siz oylighandek murekkep emes, eger ubuntuning terjime ishlirigha azraq bolsimu küch chiqirishini xalisingiz, mezkur torbettiki terjimige a’it uchurlardin paydilinip, arqiliq terjime xizmitige qatnishishingizni ümid qilimiz.

ubuntuning terjime xizmiti sizge mohtaj!!

eskertish: mezkur torbet bir nechche yillarning aldidiki Uyghurikis torbéti bilen munasiwetsiz, emma meqsiti oxshash.